Yn gryno
Mae'r cwrs Daearyddiaeth Lefel U hwn yn rhoi trosolwg eang ond addysgiadol ar ein planed a sut mae'n gweithio Yn edrych ar dirweddau a lleoedd, i systemau byd-eang a themâu cyfoes mewn Daearyddiaeth, mae'r Safon Uwch hon yn archwilio Daearyddiaeth ddynol a ffisegol yn fanwl, gan ehangu eich gwybodaeth yn y maes hwn a'ch paratoi ar gyfer y cam nesaf yn eich gyrfa.
...oes gennych ddiddordeb brwd mewn daearyddiaeth ffisegol a dynol
...oes gennych ddiddordeb mewn cadwraeth a dyfodol ein planed
...ydych yn gweithio'n galed ac yn rhagweithiol
Yn y flwyddyn gyntaf ar Lefel UG, byddwch yn astudio 2 uned:
- Uned 1 Tirluniau newidiol (A:Tirweddau arfordirol, B: Peryglon tectonig)
- Uned 2 Llefydd newidiol (A: Llefydd newidiol, B: Ymchwiliad gwaith maes mewn daearyddiaeth ffisegol a dynol)
Yn yr ail flwyddyn byddwch yn astudio 3 uned a fydd yn arwain at ennill y Lefel U llawn:
- Uned 3 Systemau byd-eang a llywodraethu byd-eang (A: Systemau byd-eang, B: Llywodraethu byd-eang - newid a heriau, C: heriau'r 21ain ganrif)
- Uned 4 Themâu cyfoes mewn daearyddiaeth (A: Peryglon tectonig, B: Twf a heriau economaidd yn Tsieina, heriau a phenblethau ynni)
- Uned 5 Ymchwiliad annibynnol (asesiad 3000-4000 gair heb arholiad)
Mae'r unedau hyn yn mynd i'r afael ag ystod eang o bynciau, sy'n gymhellol a heriol, ac maent yn cyd-fynd yn dda â chyrsiau Safon Uwch eraill yn y Dyniaethau, Ieithoedd neu Wyddorau.
Mae'r cyrsiau Lefel UG ac U yn darparu cyfleoedd gwaith maes neu ymchwil trylwyr. Dylai'r cwrs eich cyfarparu chi ag ystod o sgiliau, dealltwriaeth a gwybodaeth, sy'n ddefnyddiol mewn cyflogaeth neu addysg uwch.
Dylai myfyrwyr gwblhau'r cwrs UG yn llwyddiannus cyn ymgymryd â Lefel U llawn. Mae'r rhan fwyaf o fyfyrwyr Lefel A yn parhau i addysg uwch, tra bo eraill o'r farn bod Daearyddiaeth yn hynod ddefnyddiol ar gyfer cyflogaeth. Pan fyddwch yn ei gwblhau, byddwch yn cyflawni:
- Daearyddiaeth Lefel UG
- Daearyddiaeth Lefel U
- Gweithgareddau Sgiliau
- Saesneg a Mathemateg
Er mwyn cael mynediad ar y cwrs, mae angen ichi fod ag o leiaf 5 TGAU Gradd C neu uwch, yn cynnwys Cymraeg Iaith Gyntaf/Saesneg, Mathemateg/Rhifedd Mathemateg, a Gradd B mewn Daearyddiaeth.
Mae ymrwymiad llawn i bresenoldeb yn angenrheidiol, yn ogystal â pharch tuag at eraill, brwdfrydedd tuag at y cwrs a'r gallu i gymell eich hun. Byddwch yn cael eich asesu yn barhaol ac mae disgwyl eich bod yn parhau gyda'ch astudiaethau a'ch gwaith cwrs yn ystod eich amser eich hun.
Mae nifer o gyrsiau prifysgol ar gael sy'n ymwneud ag astudiaethau daearyddol.
O leiaf 5 TGAU gradd C neu uwch, yn cynnwys Cymraeg Iaith Gyntaf/Saesneg, Mathemateg/Rhifedd a gradd B mewn Daearyddiaeth
Bydd angen i chi wneud cyfraniadau ariannol at gost teithio ymweliadau addysgol a theithiau maes.
