91Ï㽶ÊÓƵ

... Ydych yn greadigol

... Ydych yn mwynhau tynnu lluniau ac eisiau ennill mwy o wybodaeth dechnegol

... Ydych eisiau dilyn gyrfa fel ffotograffydd

Byddwch yn tynnu lluniau sy'n seiliedig ar ystod o bynciau ac wrth wneud hyn byddwch yn dysgu a deall egwyddorion cyfansoddiad a swyddogaethau creadigol y camera.

Yn ogystal, bydd y cwrs yn mynd i'r afael ag arfer hanesyddol a chyfoes ffotograffiaeth a magu ymwybyddiaeth o'r genres a'r cyd-destunau lu y gallwch gymhwyso ffotograffiaeth oddi mewn iddynt. Bydd gwaith creadigol gan amlaf o natur ddigidol gan ddefnyddio Photoshop, er bydd cyfleoedd i arbrofi gyda thechnegau celf gain â rendrir â llaw.

Ffotograffiaeth Lefel UG

Yn ystod y tymor cyntaf (Medi i Ragfyr) ar Lefel UG, byddwch yn dysgu elfennau sylfaenol ffotograffiaeth ac arbrofi gyda phynciau tynnu lluniau, megis y ffurf ddynol, tirlun, haniaethau a bywyd llonydd.

Cewch eich cyflwyno i Photoshop a datblygu sgiliau mewn golygu, coethi ac arbrofi gyda'ch ffotograffau. Cewch hefyd eich cyflwyno i'r broses ddylunio taflenni, dysgu sut i ymchwilio a dewis gwaith priodol gan eraill a sut i ddadansoddi eu delweddau'n feirniadol, yn ogystal â dysgu sut i ddadansoddi a myfyrio ar eich gwaith eich hun.

O Ionawr i Fai, byddwch yn cwblhau ymholiad creadigol personol (PCE) a fydd yn rhoi'r cyfle i chi ddechrau, datblygu a chwblhau aseiniad, wrth barhau i ddatblygu a gloywi eich sgiliau a dealltwriaeth.

Ffotograffiaeth Lefel U

Yn ystod y tymor cyntaf ym mlwyddyn 2 (Medi i Ragfyr) anogir chi i adeiladu ar y wybodaeth, sgiliau a dealltwriaeth o'r Lefel UG gyda'r cyfle i fynd i'r afael â phwnc ffotograffig, arddull, thema, mater neu gysyniad o'ch dewis chi (ymchwiliad personol).

Bydd gweddill y flwyddyn (Ionawr i Fai) yn cynnwys aseiniad rheoledig; sy'n gyfuniad o gwestiynau a osodir yn allanol y byddwch chi'n cynhyrchu eich ymateb cyd-destunol a chreadigol iddynt.

Pan fyddwch yn ei gwblhau, byddwch yn cyflawni:

• Ffotograffiaeth Lefel UG
• Ffotograffiaeth Lefel U
• Gweithgareddau sgiliau
• Saesneg a Mathemateg

Er mwyn cael mynediad ar y cwrs, mae angen ichi fod ag o leiaf 5 TGAU Gradd C neu uwch, i gynnwys Saesneg.

Mae angen ymrwymiad llawn i bresenoldeb, yn ogystal â pharch tuag at eraill, brwdfrydedd am y pwnc a'r gallu i gymell eich hun. Byddwch yn cael eich asesu yn barhaus ac mae disgwyl eich bod yn parhau gyda'ch astudiaethau a'ch gwaith cwrs yn ystod eich amser eich hun.

O Lefel UG i U (Gradd D neu uwch), yna cyrsiau lefel prifysgol yn y coleg neu mewn prifysgol arall.

Er mwyn cael mynediad ar y cwrs, mae angen ichi fod ag o leiaf 5 TGAU Gradd C neu uwch, i gynnwys Saesneg.

Bydd disgwyl i chi fod yn berchen ar gamera SLR digidol a thalu ffi stiwdio o £10.00.