91Ï㽶ÊÓƵ

.. ydych eisiau cyfuno dysgu academaidd a hyfforddiant ymarfero
... Ydych chi'n mwynhau gweithio fel rhan o dîm
… Ydych chi’n frwdfrydig am dechnoleg

Byddwch yn dysgu profiadau ymarferol trwy gymryd rhan mewn prosiectau a bennir gan gyflogwyr ac, wrth gwrs, cyfleoedd profiad gwaith o ansawdd.

Cwblhau prosiect yn seiliedig ar dechnolegau digidol gydag Ymddiriedolaeth CyberHub a phartner diwydiant.

Mae’r prosiectau’n cynnig:

• Dysgu cyffrous, arloesol a gweithredol, yn ymwneud yn uniongyrchol â gwaith go iawn
• Dysgu o ansawdd da gan staff cymwys mewn meysydd academaidd craidd (yn cynnwys TGAU Saesneg, Mathemateg neu Sgiliau Hanfodol Llythrennedd/Rhifedd)
• Hyfforddiant uchel ei fri ac arbenigedd diwydiant
• Cyfleusterau ac adnoddau sy’n cyd-fynd â safonau’r diwydiant i gynorthwyo eich dysgu
• Dysgu wedi’i deilwra i weddu i’ch sgiliau a’ch diddordebau arbennig chi
• Cysylltiadau gwych â chyflogwyr lleol
• Llwybr clir ar gyfer y byd gwaith a’ch gyrfa yn y dyfodol
• Help i ddatblygu sgiliau cyflogadwyedd hanfodol
• Addysg a chyngor o ansawdd uchel ar gyfer eich gyrfa
• Y disgwyliad y byddwch naill ai’n symud yn eich blaen at swydd, neu brentisiaeth neu addysg bellach/uwch ar ôl cwblhau eich cwrs
• Cyfleoedd i gwrdd a chysylltu â phobl ifainc eraill ledled y wlad drwy Ymddiriedolaeth CyberHub
• Cymorth, cyngor a mentora arbenigol ar gyfer ehangu eich gorwelion a meithrin uchelgeisiau

Byddwch yn ennill cyfuniad o wybodaeth gyfrifiadurol a sgiliau ymarferol i gwrdd â gofynion technolegol newidiol y diwydiant.

Bydd y cwrs yn cymryd agwedd uned-wrth-uned a chewch eich asesu trwy aseiniadau, tasgau ac arholiadau ysgrifenedig. Y cymwysterau y byddwch yn eu hennill yw:

• Diploma Sylfaen Lefel 3 mewn Cyfrifiadura
• Sgiliau Cyflogadwyedd Ehangach AON Sgiliau Hanfodol a Chyfathrebu Lefel 3
• Sgiliau hanfodol lefel 3 AON a Chyfathrebu.

Mae modiwlau Cyfrifiadura BTEC yn cynnwys:

Blwyddyn 1

• Egwyddorion Cyfrifiadureg (arholiad)
• Hanfodion Systemau Cyfrifiadurol (arholiad)
• IT Systems Security & Encryption
• Cymwysiadau Busnes y Cyfryngau Cymdeithasol
• Computer Games Development
• Datblygu Gwefannau

Blwyddyn 2

• Cynllunio a Rheoli Prosiectau Cyfrifiadurol (arholiad)
• Prosiect Dylunio a Datblygu Meddalwedd
• Effaith Cyfrifiadura
• Graffeg Digidol ac Animeiddio
• Datblygu Cronfa Ddata Berthynol
• Rhwydweithio Cyfrifiadurol
• Dadansoddi a Dylunio Systemau

I ymuno â’r cwrs, byddwch angen o leiaf 5 TGAU gradd C neu uwch, yn cynnwys Mathemateg/Rhifedd a Saesneg/Cymraeg Iaith Gyntaf, neu gymhwyster Diploma Lefel 2 priodol gradd Teilyngdod gyda TGAU Mathemateg/Rhifedd a Saesneg/Cymraeg Iaith Gyntaf gradd C neu uwch.

Bydd angen ichi ymrwymo i’ch astudiaethau a symud yn eich blaen at brentisiaeth neu swydd yn y sector. Bydd angen ichi baratoi i astudio a gweithio mewn amgylchedd dysgu sy’n adlewyrchu gwaith yn hytrach na’r ystafell ddosbarth, yn cynnwys oriau estynedig, dillad busnes ac ymddwyn mewn modd pwrpasol.

Gwaith mewn meysydd cysylltiedig, fel:

• Peiriannydd rhwydwaith
• Rhaglennydd
• Dylunio a datblygu gwefannau
• Prentisiaethau uwch mewn Cyfrifiadura
• Astudio pynciau cyfrifiadurol ar lefel prifysgol
• Astudio pynciau cyfrifiadurol ar lefel prifysgol

I ymuno â’r cwrs, byddwch angen o leiaf 5 TGAU gradd C neu uwch, yn cynnwys Mathemateg/Rhifedd a Saesneg/Cymraeg Iaith Gyntaf, neu gymhwyster Diploma Lefel 2 priodol gradd Teilyngdod gyda TGAU Mathemateg/Rhifedd a Saesneg/Cymraeg Iaith Gyntaf gradd C neu uwch. Bydd angen ichi ymrwymo i’ch astudiaethau a symud yn eich blaen at brentisiaeth neu swydd yn y sector. Bydd angen ichi baratoi i astudio a gweithio mewn amgylchedd dysgu sy’n adlewyrchu gwaith yn hytrach na’r ystafell ddosbarth, yn cynnwys oriau estynedig, dillad busnes ac ymddwyn mewn modd pwrpasol.

Byddwch yn cael y cyfle i gael profiad gwaith, cymryd rhan mewn dysgu seiliedig ar broblemau a'r cyfle i gymryd rhan yng nghynllun Erasmus.